Afrigtings­voorwaardes

Laas opgedateer 13 Oktober 2026

Hierdie is die voorwaardes waarvolgens ek by XO Fit afrig. As jou getekende kontrak iets anders sê, geld jou kontrak.

Kontrakte

Oefen maand tot maand, of op 'n kontrak van 6, 8 of 12 maande. Daar is geen fooie behalwe wat in jou kontrak staan nie.

Op 'n maand-tot-maand-kontrak word 'n deposito gelyk aan jou ooreengekome maandelikse fooi betaal voordat jy begin. Ek beplan elke maand se sessies vooruit, en die deposito hou jou plek in daardie beplanning.

Gee my 'n maand kennis om 'n maand-tot-maand-kontrak te beëindig.

Betaling

Betaling geskied maandeliks vooruit, met fakture wat rondom die 25ste gestuur word en betaling wat voor die 1ste van elke maand betaalbaar is. Betaling kan per EFT gedoen word, en bewys van betaling moet per WhatsApp of e-pos gestuur word.

Plekke is beperk en word slegs bevestig sodra betaling ontvang is. Sessies moet binne die ooreengekome maand gebruik word, tensy ander reëlings vooraf met my getref word. Betaling bly betaalbaar indien jy met vakansie is of siek raak en jou vaste tydgleuf wil behou.

As jy 'n sessie skuif of mis

Gee asseblief minstens 1 uur vooraf kennis indien jy nie jou sessie kan bywoon nie of dit wil skuif. Indien minder as 1 uur kennis gegee word, of jy nie opdaag nie, word die sessie as gebruik beskou en kan dit nie ingehaal word nie.

Sessies moet vooraf met my gereël word indien dit geskuif moet word, en ek sal waar moontlik help, afhangend van beskikbare tydgleuwe. Jou tydgleuf word spesiaal vir jou gereserveer. Daarom bly betaling betaalbaar, selfs al mis jy 'n sessie.

Jou gesondheid

Ek doen nie formele gesondheidsvraelyste of vrywaringsvorms nie. Ek sit persoonlik met elke nuwe kliënt en vra vrae oor jou gesondheid, enige beserings, mediese toestande en oefenervaring voordat ons begin, sodat die oefeninge by jou behoeftes en vermoëns pas.

Foto's en video's

Ek neem soms foto's en video's tydens oefensessies vir motivering, vordering en bemarking. Ek vra altyd vooraf jou toestemming voordat ek foto's of video's neem of dit op sosiale media plaas. Niks word sonder jou toestemming geplaas nie.

Huisreëls

XO Fit is 'n privaat oefenruimte met 'n vriendelike, respekvolle en familie-vriendelike atmosfeer.

• Besprekings: Alle oefensessies is op afspraak. Geen onbeplande besoeke of selfstandige gimnasiumgebruik word toegelaat nie.
• Toerusting: Hanteer asseblief alle toerusting met sorg en sit dit terug nadat jy dit gebruik het.
• Respek: Respekteer ander lede, hul oefentyd en persoonlike ruimte.
• Netheid: Hou die gimnasium skoon en netjies.
• Gaste: Reël asseblief vooraf indien jy iemand wil saambring.
• Kinders: Kinders mag slegs saamkom indien dit vooraf met my gereël is en hulle veilig gehou kan word.
• Veiligheid: Volg die afrigter se instruksies en laat weet my dadelik indien jy ongemak of enige besering ervaar.